വീണ്ടും ഓൺലൈൻ ലോട്ടറി തട്ടിപ്പ് മുക്കാൽ കോടി നഷ്​ടമായത് റിട്ട. ബാങ്ക്​ മാനേജർക്ക്​.

കോഴിക്കോട്​: ഓണലൈൻ വഴി ഉൽപ്പന്നം വാങ്ങി അതിനു പിറകെ സമ്മാനം വാഗ്ദാനം ചെയ്ത് പുതിയ തട്ടിപ്പ് ! ഓൺലൈൻ ഷോപ്പിങ്​ പോർട്ടലി​‍െൻറ മറവിൽ നടന്ന ‘ഓൺലൈൻ ലോട്ടറി’ തട്ടിപ്പിൽ പണം നഷ്ടപ്പെട്ടത് ചേവായൂരിലെ റിട്ട. ബാങ്ക്​ മാനേജർക്ക്​ .
നാപ്​റ്റോൾ ഷോപ്പിങ്​ പോർട്ടലിൽ നിന്ന്​ കഴിഞ്ഞ മാർച്ചിലാണ് ഓൺലൈനായി ഉൽപന്നം വാങ്ങിയത്.
ഉൽ​പന്നം ലഭിച്ചതി​‍െൻറ അടുത്ത ദിവസം സ്​​പീഡ്​ പോസ്​റ്റിൽ സ്​ക്രാച്ച്​ ആൻഡ്​ വിൻ കൂപ്പണോടുകൂടിയ കത്ത്​ ലഭിച്ചു. കൂപ്പണിൽ സമ്മാനമുണ്ടെങ്കിൽ കത്തിലെ ഫോൺ നമ്പറിൽ ബന്ധപ്പെടാനായിരുന്നു നിർദ്ദേശം. കൂപ്പൺ സ്​ക്രാച്ച്​ ​െചയ്​തപ്പോൾ 75 ലക്ഷം രൂപയുടെ ഓൺലൈൻ ലോട്ടറി അടിച്ചെന്ന്​ തെളിഞ്ഞുവന്നു​. തുടർന്ന്​ കത്തി​െല ഫോൺ നമ്പറിൽ ബന്ധപ്പെട്ടതോടെ തുക ലഭിക്കാൻ ബാങ്ക്​ അക്കൗണ്ട്​ വിവരങ്ങൾ ആവശ്യപ്പെട്ടു.

തുക ​കൈമാറുന്നതിന്​ മുമ്പ്​ ജി.എസ്​.ടി ഉൾപ്പെടെ വിവിധ ഇനത്തിലുള്ള നികുതി മുൻകൂർ അടക്കണമെന്ന്​ നിർദേശിച്ചു. ഇതോടെ ആവശ്യപ്പെട്ടപ്രകാരം ആദ്യം 49,950 രൂപയും പിന്നീട്​​ 4,55,000 രൂപയും ബാങ്ക്​ വഴി അയച്ചു. ഇതോടെ ലോട്ടറി തുക 75 ലക്ഷമെന്നത്​ രണ്ടുകോടിയായിട്ടുണ്ടെന്ന്​ തട്ടിപ്പുകാർ ഇദ്ദേഹത്തെ വിശ്വസിപ്പിച്ചു. അതിനാൽ നികുതി തുക കൂടിയെന്ന്​ പറഞ്ഞ്​ ഏപ്രിൽ 20 വരെ 25 തവണയായി മൊത്തം 74,26,000 രൂപ തട്ടിപ്പുസംഘം അക്കൗണ്ടിലേക്ക്​ അയപ്പിക്കുകയായിരുന്നു. ഒരുമിച്ച്​ ഒമ്പതുലക്ഷം രൂപവരെ ഇദ്ദേഹം ബാങ്കിലെത്തി രശീതി​ എഴുതി കൗണ്ടറിലൂടെ വിവിധ അക്കൗണ്ടുകളിൽ നിന്നായി കൈമാറിയിട്ടുണ്ട്​. വലിയ സൗഭാഗ്യം വന്നുചേരുമെന്ന പ്രതീക്ഷയിൽ തട്ടിപ്പാണെന്ന്​ ഇദ്ദേഹം തിരിച്ചറിഞ്ഞില്ലെന്ന്​ പൊലീസ്​ പറഞ്ഞു.

സ്​ഥിരമായി ഒരേ അക്കൗണ്ടിലേക്ക്​ വൻ തുകകൾ നിക്ഷേപിക്കുന്നത്​ ശ്രദ്ധയിൽപ്പെട്ട ബാങ്ക്​ അധികൃതർ സംശയം പ്രകടിപ്പിച്ച്​ കുടുംബത്തെ അറിയിച്ചതോടെയാണ്​ തട്ടിപ്പ്​ വ്യക്തമായത്​. ചേവായൂർ പൊലീസ്​ അന്വേഷിക്കുന്ന കേസിൽ ഇതുവരെ ആ​രെയും പിടികൂടാൻ കഴിഞ്ഞിട്ടില്ല​. ഇത്തരം തട്ടിപ്പുകൾ സമൂഹത്തിൽ പെരുകുകയാണ്. എത്ര ബോധവൽക്കരിച്ചിട്ടും വിദ്യാസമ്പന്നർ പോലും ഈ തട്ടിപ്പിൽ വീഴുകയാണെന്ന് പോലീസ് പറഞ്ഞു

Leave a Reply