എം.എ. യൂസഫലി ബഹ്റിന്‍ കിരീടാവകാശിയുമായി കൂടിക്കാഴ്ച നടത്തി

0
279

മനാമ: ബഹ്റിന്‍ കിരീടാവകാശിയും പ്രധാനമന്ത്രിയുമായ സൽമാൻ ബിൻ ഹമദ് അൽ ഖലീഫ രാജകുമാരനുമായി ലുലു ഗ്രൂപ്പ് ചെയർമാനും മാനേജിംഗ് ഡയറക്ടറുമായ എം.എ. യൂസഫ് അലി കൂടിക്കാഴ്ച നടത്തി. മനാമയിലെ റിഫ കൊട്ടാരത്തിൽ വെച്ചായിരുന്നു ഇരുവരും കൂടിക്കാഴ്ച നടത്തിയത്.

രാജ്യത്തിൻ്റെ വളർച്ചയിൽ റീട്ടെയിൽ മേഖല ഉൾപ്പെടെയുള്ള സ്വകാര്യ മേഖല നൽകുന്ന സംഭാവനകളെ പ്രകീർത്തിച്ച കിരീടാവകാശി രാജ്യപുരോഗതിക്കായി കൂടുതൽ ദേശീയ വിഭവങ്ങൾ കെട്ടിപ്പടുക്കുന്നതിൻ്റെ പ്രാധാന്യം എടുത്തു പറഞ്ഞു. കോവിഡ് പ്രതിസന്ധിയെ നേരിടുന്നതിൽ സർക്കാരിനൊപ്പം ചേർന്ന് പ്രവർത്തിക്കുന്ന ലുലു ഗ്രൂപ്പിനെ കിരീടാവകാശി കൂടിക്കാഴ്ചയിൽ അഭിനന്ദിച്ചു.

ബഹ്റിന്‍ രാജാവിൻ്റെയും കിരീടാവകാശിയുടെയും നേതൃത്വത്തിൽ കൂടുതൽ സാമ്പത്തിക അഭിവൃദ്ധിയിലേക്കാണ് രാജ്യം കുതിക്കുന്നതെന്ന് എം.എ.യൂസഫലി അഭിപ്രായപ്പെട്ടു.

ബഹ്റിന്‍ ധനകാര്യ മന്ത്രി ഷെയ്ഖ് സല്മാൻ ബിൻ ഖലീഫ അൽ ഖലീഫ, ലുലു ബഹറൈൻ ഡയറക്ടർ ജൂസർ രൂപാവാല, ലുലു എക്സ്ചേഞ്ച് സി.ഇ.ഒ. അദീബ് അഹമ്മദ് എന്നിവരും കൂടിക്കാഴ്ചയിൽ സംബന്ധിച്ചു. ലുലു ഗ്രൂപ്പിൻ്റെ പുതിയ റീജിയണൽ ഓഫീസ് ബഹറൈനിൽ പ്രവർത്തനമാരംഭിച്ചു.

ലുലുഗ്രൂപ്പിൻ്റെ ബഹ്റിനിലെ പ്രവർത്തനം വിപുലീകരിക്കുന്നതിൻ്റെ ഭാഗമായി പുതിയ റീജിയണൽ ഓഫീസിൻ്റെ ഉദ്ഘാടനം ഗ്രൂപ്പ് ചെയർമാൻ എം.എ.യൂസഫലി നിർവ്വഹിച്ചു. മനാമ സീഫിലാണ് ലുലു റീജിയണൽ ഓഫീസ് പ്രവർത്തിക്കുന്നത്.

Leave a Reply